За прв пат кај нас – фестивал на улична храна, насловен како „Вкусот на Скопје“. Вкусот на Скопје ќе биде фестивал на уличната храна кој ќе се одржи на 18-19 мај во Градскиот Парк – Школка.
Дводневен настан на кој посетителите ќе бидат понесени од целосен гастрономски хедонизам. Овој мај, Градскиот парк на Скопје ќе биде местото на кое најдобрите локални ресторани, угостители и сендвичари ќе ги постават своите штандови со храна.
Настанот е креиран за сите љубители на street food, за друштвените, љубопитни и позитивни индивидуи. За време на креирањето размислувавме и на оние најмалечките, идните гурмани, па во програмскиот дел отстапивме место и на готвачи кои ќе презентираат подготовки на детска храна. Вистинско уживање за сите генерации!
